भाजपची लोकसभेची तिसरी यादी जाहीर
नवी दिल्ली,मंडे टु मंडे न्युज नेटवर्क l लोकसभा निवडणुकीची रणधुमाळी आता सुरु झाली आहे. त्यातच आता भाजपनं लोकसभेची तिसरी यादी जाहीर केली आहे. दक्षिण भारतातील ९ जागांवरील ही यादी आहे. यामध्ये तामिळनाडू भाजपचे प्रदेशाध्यक्ष के आण्णामलाई यांना उमेदवारी देण्यात आली आहे.
भाजपची ही तिसरी यादी तामिळनाडू राज्यातील असून इथल्या ९ जागांवर भाजपनं उमेदवार जाहीर केले आहेत. यामध्ये प्रदेशाध्यक्ष के. आण्णामलाई यांचा समावेश आहे. त्यांना कोईम्बतूर लोकसभा मतदारसंघातून उमेदवारी देण्यात आली आहे.
त्याचबरोबर, चेन्नई साऊथमधून टी सुंदरराजन, चेन्नई सेंट्रलमधून विनोज पी सेल्वन, वेल्लूरमधून ए. सी. शानमुगन, कृष्णगिरी मतदारसंघातून सी. नरसिम्हा, निलगिरी या राखीव मतदारसंघातून एल मुरुगन, पेरांबलूरमधून टी. आर. पेरिवेंदर, थुथूकुडीमधून नैनार नेगंद्रन, कन्याकुमारीतून पोन राधाकृष्णन यांना उमेदवारी देण्यात आली आहे.
