निमखेडी खु विकासो निवडणुकीत राष्ट्रवादी पुरस्कृत पॅनल विजयी, आ. चंद्रकांत पाटील यांना धक्का !
मुक्ताईनगर, अक्षय काठोके | निमखेडी खुर्द विविध कार्यकारी सोसायटी निवडणुकीत राष्ट्रवादी काँग्रेस पुरस्कृत कष्टकरी शेतकरी पॅनलने शिवसेना पुरस्कृत सहकार पॅनल चा धुव्वा उडवत १२ पैकी १२ उमेदवारानी विजय संपादन केला असुन एक उमेदवार आधीच बिनविरोध निवडून आलेला आहे.
तालुक्यांतील सोसायटीची निवडणूक आज दि. ९ एप्रिल रोजी पार पडली यावेळी राष्ट्वादी पुरस्कृत शेतकरी पॅनलने शिवसेना पुरस्कृत सहकार पॅनल चा धुव्वा उडवत १२ पैकी १२ उमेदवारानी विजय संपादन केला. विशेष बाब म्हणजे आमदार चंद्रकांत पाटील हे निमखेडी खु विविध कार्यकारी सोसायटीचे सभासद असून जळगाव जिल्हा मध्यवर्ती सहकारी बँकेच्या निवडणूक वेळी आ. चंद्रकांत पाटील यांचा या सोसायटी मधून ठराव झाला होता त्यामुळे येथील निवडणूक ही त्यांच्या प्रतिष्ठेची होती. एका अर्थाने आ चंद्रकांत पाटील यांना हा धक्का मानला जात आहे.
संध्याकाळी मतमोजणी प्रक्रिया पार पडली यावेळी
सर्वसाधारण मतदारसंघात- बोराडे संदिप बाबूलाल, डहाके, नामदेव पुंडलिक, गवळी अरविंद नारायण, घोगरे नत्थू गजानन, लवांडे दगडू विष्णू, पाटील रवींद्र रामधन, पाटील संचलाल चांगो
महिला राखीव मतदारसंघात- डहाके शेवंताबाई विक्रम,
घोगरे संगीता विनोद. इतर मागास प्रवर्ग मतदारसंघात- लवांडे राजु बाबुलाल.
अनुसूचित जाती जमाती मतदारसंघात- धुंदे पंडित वामन. हे कष्टकरी शेतकरी पॅनल चे उमेदवार विजयी झाले तर याआधी याच पॅनलचे बाबुलाल बंडू तिळे हे बिनविरोध निवडून आले होते.
अशाप्रकारे सर्व १३ जागी राष्ट्रवादी काँग्रेस पुरस्कृत कष्टकरी शेतकरी पॅनलने सोसायटीवर आपले वर्चस्व प्रस्थपित केले असून समोरच्या शिवसेना पुरस्कृत सहकार पॅनल चा धुव्वा उडाला. विजयी उमेदवारांचे आ एकनाथराव खडसे, राष्ट्रवादी जिल्हाध्यक्ष रविंद्र भैय्या पाटील, राष्ट्रवादीच्या नेत्या रोहिणी खडसे यांनी अभिनंदन केले आहे.
