BREAKING;दिल्लीतील इस्रायल दूतावासाजवळ स्फोट
मंडे टू मंडे वृत्तसंकलन।
नवी दिल्ली (वृत्तसेवा)। दिल्लीच्या सीमांवर सुरू असलेल्या शेतकऱ्यांचं आंदोलनादरम्यान दिल्लीत स्फोटाचा माहिती समोर आली आहे. मिळालेल्या माहितीनुसार राजधानी दिल्लीतील इस्त्राईल वाणिज्य दूतावासाजवळ हा स्फोट झाला. या स्फोटात जीवितहानी झाली नसल्याचं समोर आलं आहे. मात्र या स्फोटात 4 ते 5 गाड्यांचं नुकसान झालं आहे.
एपीजे अब्दुल कलाम रोडवर सायंकाळी 5 च्या हा ब्लास्ट झाल्याचे वृत्त असून जेथे स्फोट झाला तो भाग विजय चौकापासून दीड किलोमीटर लांब असल्याचं सांगितलं जात आहे. विजय चौकात सध्या बीटिंग रीट्रीट सुरू आहे. या स्फोटात अद्याप कोणी जखमी झाल्याची माहिती आलेली नाही. इस्त्रायल दूतावास तुगलक रोड पोलीस ठाण्यापासून काही अंतरावर आहे. दूतावासाजवळ काही वर्षांपूर्वी एका चालत्या इनोव्हा कारच्या खाली एक अज्ञात बाईक स्वार बॉम्ब फेकून फरार झाला होता. पोलिसांनी सांगितलं की, हा स्फोट इस्त्रायल दूतावासात झालेला नाही. त्याच्या जवळील बंगला क्रमांक 6 मध्ये ब्लास्ट झाला आहे. सध्या घटनास्थळी गुप्तचर विभाग, स्पेशल सेल आणि क्राईम ब्रांन्चचे अधिकारी तपास करीत आहेत.
