रावेर तालुक्यातील तरुणाचा दुचाकी घसरून मृत्यू
सावदा, ता. रावेर. मंडे टु मंडे न्युज नेटवर्क l रावेर तालुक्यातील रोझोदा – खिरोदा या रस्त्यावर दुचाकी घसरून रोझोदा येथील २१ वर्षीय तरुणाचा मृत्यू झाल्याची घटना आज २६ ऑक्टोबर शनिवारी दुपारी घडली. मयत तरुणाचा मृतदेह यावल ग्रामीण रुग्णालयामध्ये आणण्यात आला.तर याप्रकरणी पोलिसात अपघाताची नोंद करण्याचे काम सुरु होते.
रावेर तालुक्यातील रोझोदा येथील देवेंद्र राजेंद्र कोळी, वय २१ वर्षे रा. रोझोदा ता. रावेर हा तरुण आज म२६ ऑक्टोबर शनिवार रोजी खिरोदा – रोझोदा या रस्त्यावर रोझोदा गावाच्या जवळ स्मशानभूमीच्या पुढे दुचाकी क्रमांक एम. एच. १९ इ. एच. ८३२१ ने जात असता त्याची दुचाकी घसरली आणि त्याच्या डोक्याला दगड लागुन दुखापत झाली. त्याला तातडीने तेथून सावदा व नंतर भुसावळ येथील रूग्णालयात नेण्यात आले होते. त्या नंतर यावल ग्रामीण रुग्णालयामध्ये तरूणाला उपचारासाठी आणण्यात आणले असता या ठिकाणी डॉक्टरांनी तपासणी करून देवेन्द्रला मृत घोषित केले. पोलीस स्टेशनला अकस्मात मृत्यूची नोंद करण्यात आली आहे .
