Pahalgam Terrorist Attack: आधी नावं विचारली मग गोळ्या झाडल्या, पहलगाममध्ये दहशतवाद्यांचा हल्ला !
पहलगाम,मंडे टु मंडे न्युज नेटवर्क : जम्मू आणि काश्मीरमधील पहलगाममध्ये दहशतवाद्यांनी पर्यटकांवर भ्याड हल्ला केला. या हल्ल्यात महाराष्ट्रातील काही पर्यटक जखमी झाली आहे. महाराष्ट्रातील काही पर्यटक पहलगाममध्ये होते. दहशतवाद्यांनी पर्यटकांची नावं विचारली आणि नंतर त्यांच्यावर गोळीबार केला. या हल्ल्यानंतर देशभरात संतापाची लाट उसळली आहे. या हल्ल्यात २५ पर्यटकांचा मृत्यू झाल्याची माहिती समोर आली आहे.
अनंतनाग जिल्ह्यातील बैसरन खोऱ्याच्या वरच्या भागात पर्यटक फिरत होते. तेव्हा अचानक त्यांच्यावर गोळीबार करण्यात आला. या हल्ल्यात 25 पर्यटकाचा मृत्यू झाला तर २० जण जखमी झाले. मृत आणि जखमी पर्यटकांमध्ये तामिळनाडू, केरळ आणि महाराष्ट्रातील पर्यटकांचा समावेश आहे. काही पर्यटक हे पुण्यातील असल्याची माहिती समोर आली आहे. माणिक पाटील आणि एस भालचंद्र हे महाराष्ट्रातील पर्यटक जखमी झाल्याची माहिती समोर आली आहे.
पुण्यातील पाच जणांचं कुटुंब हे पहलगाममध्ये पर्यटनासाठी गेलं होतं. दुपारी पहलगाम व्हॅलीमध्ये फिरत असताना अचानक दहशतवादी समोर आले आणि त्यांनी नावं विचारण्यास सुरुवात केली. त्यानंतर गोळीबार केला. या गोळीबारात २७ पर्यटकांचा मृत्यू झाल्याची माहिती समोर आली आहे. या घटनेमुळे देशभरात तीव्र संतापाची लाट उसळली आहे.
