आगामी सणांच्या पार्श्वभूमीवर मुक्ताईनगर येथे पोलीस पाटलांची बैठक संपन्न
मुक्ताईनगर, प्रतिनिधी : मुक्ताईनगर पोलीस स्टेशन हद्दीतील पोलीस पाटलांची आगामी पोळा व गणेशोत्सवाच्या पार्श्वभूमीवर महत्त्वपूर्ण बैठक मुक्ताईनगर पोलीस स्टेशन येथे पोलीस निरीक्षक राहुल खताळ यांच्या अध्यक्षतेखाली पार पडली.
मुक्ताईनगर पोलीस निरीक्षक राहुल खताळ यांनी आज ५ सप्टेंबर रोजी तालुक्यातील पोलीस पाटील यांच्या बैठकीत कोरोना पाश्वभूमीवर महाराष्ट्र शासनाकडील प्राप्त सूचना सांगत पोळा व गणेश उत्सव साध्या पध्दतीने साजरा करण्याबाबत आवाहन केले असून पोळा तसेच गणेश उत्सव आगमन व विसर्जन वेळी मिरवणुक काढु नये सार्वजनिक गणेश मुर्ती ४ फुट व घरगुती गणेश मुर्ती २ फुट पेक्षा मोठी नसावी तसेच ऑनलाईन परवानगी फार्म भरू सोबत हमीपत्र जोडणे याबाबत मार्गदर्शन केले. सदरील बैठकीस ५७ पोलीस पाटिल उपस्थित होते.
