रुग्णालयात ICU मध्ये उपचार सुरू असलेल्या अल्पवयीन तरुणीवर पोलिसाचा अत्याचार
मंडे टु मंडे न्युज नेटवर्क | राज्यात महिला सुरक्षेचा प्रश्न गंभीर होत असताना महिला अत्याचाराच्या अनेक घटना घडतच आहेत. अशातच आणखी एक घक्कादायक प्रकार समोर आला आहे. रुग्णालयात lCU मध्ये उपचार घेत असलेल्या अल्पवयीन तरुणीवर जबाब घेण्यासाठी आलेल्या पोलिसानेच अत्याचार केल्याची घटना कोल्हापूर मध्ये घडली. या घटनेने मोठी खळबळ उडाली असून पोलिसाकडूनच असभ्य वर्तन घडल्याने संताप व्यक्त केला जात आहे.
एका अल्पवयीन तरुणीने हातावर वार करत आत्महत्येचा प्रयत्न केला होता. या घटनेत गंभीर जखमी झालेल्या तरुणीला कोल्हापुरातील एका खासगी रुग्णालयाच्या आयसीयूमध्ये दाखल करण्यात आले.
कोल्हापूर येथील शाहूपुरी पोलिस स्टेशनला नाईक असलेला चेतन दिलीप घाटगे हा पोलिस कर्मचारी ICU मध्ये दाखल तरुणीचा जबाब घेण्यासाठीं आला होता.
चेतन घाडगे या पोलिस कर्मचाऱ्याने “तू माझी मैत्रीण आहेस , काही अडचण आल्यास मला फोन कर” असं म्हणत तिच्या पाठीवरुन, छातीवरुन हात फिरवला. पोलिस कर्मचाऱ्याचे गैरवर्तन पाहून तरुणीला धक्का बसला.
या प्रकरणी पोलीस नाईक चेतन घाटगे याच्यावर पोक्सो अंतर्गत गुन्हा दाखल करण्यात आला असून चेतन घाटगे हा शाहूपुरी पोलीस ठाण्यामध्ये पोलीस नाईक आहे. जखमी मुलीचा जबाब नोंदवित असताना रुग्णालयत पोलिसाकडूनच असभ्य वर्तन घडल्यामुळे संताप व्यक्त केला जात असून या घटनेनं खळबळ उडाली आहे.
