ब्रेकिंग : मुक्ताईनगर मतदारसंघात राजकीय भूकंप : खडसे समर्थकांचा शिवसेनेत प्रवेश !
मुक्ताईनगर, अक्षय काठोके : मुक्ताईनगरात राजकीय धमाका करण्यात आमदार चंद्रकांत पाटील यशस्वी झाले असून यांच्या उपस्थितीत राष्ट्रवादीचे सोशल मीडिया प्रमुख शिवराज पाटील, वाय. डी. पाटील, प्रशांत पाटील यांनी पालकमंत्री व आ.पाटील यांच्या उपस्थितीत बाळासाहेबांच्या शिवसेनेत प्रवेश केला आहे.
माजी मंत्री व आमदार एकनाथ खडसे यांचे खंदे समर्थक मानले जाणारे मुक्ताईनगर येथील राष्ट्रवादी चे सोशियल मेडिया माजी जिल्हाध्यक्ष श्री शिवराज पाटील, रावेर राष्ट्रवादी तालुका सरचिटणीस वाय डी पाटील, उपसरपंच निंभोरा प्रशांत पाटील, राष्ट्रवादी शुभम मुर्हेकर धामोडी यांनी आज बाळासाहेबांची शिवसेना पक्षात प्रवेश केल्याने आ. पाटील खडसे समर्थकांना गळाला लावण्यात यशस्वी झाले आहे.
पालकमंत्री ना.गुलाबराव पाटील व आ.चंद्रकांत पाटील यांच्या उपस्थितीत जळगाव येथे बाळासाहेबांच्या शिवसेनेत यांनी प्रवेश केला आहे. जळगाव येथील अजिंठा शासकीय विश्रामगृहात हा प्रवेश सोहळा पार पडला आहे. खडसेंचे खंदे समर्थकांनी प्रवेश केल्याने ही बाब लक्षणिय मानली जात आहे.
