राज्यात पुढील तीन दिवस पावसाची शक्यता, “या” जिल्ह्यात मेघगर्जनेसह पाऊस
मुंबई, मंडे टु मंडे न्युज नेटवर्क l राज्याच्या अनेक जिल्ह्यांमध्ये पुढील तीन दिवस मेघगर्जनेसह पावसाच्या शक्यता हवामान विभागाने वर्तवली आहे. त्यात मुंबई, पुणे, नाशिक सह उत्तर महाराष्ट्र, छत्रपती संभाजीनगर, नागपूर , कोकण अशा राज्यातील सर्वच प्रमुख शहरांमध्ये पावसाची शक्यता आहे.
उत्तर महाराष्ट्रातील नाशिकमध्ये मेघगर्जनेसह मध्यम पावसाची शक्यता हवामान विभागाने वर्तविली आहे.तसेच उत्तर महाराष्ट्रातील जळगाव, धुळे, नाशिक, अहिल्यानगर या जिल्ह्यात पावसाची शक्यता आहे
तसेच मराठवाड्यातील संभाजीनगर सह जालना, बीड, नांदेड, परभणी, हिंगोली, या जिल्ह्यांमध्ये पावसाची शक्यता आहे. तर विदर्भातील बुलढाणा, यवतमाळ आणि वाशिम या जिल्ह्यांमध्ये देखील मेघगर्जनेसह पावसाची शक्यता हवामान विभागाने वर्तवली आहे. तर राज्यात ऑक्टोबर हीट देखील जाणवत आहे.
