दहावी आणि बारावीच्या पुरवणी परीक्षेचे वेळापत्रक जाहीर,अनुत्तीर्ण विद्यार्थ्यांना संधी
पुणे,मंडे टू मंडे न्युज वृत्तसेवा। महाराष्ट्र राज्य माध्यमिक उच्च माध्यमिक शिक्षण मंडळाकडून जुलै-ऑगस्ट २०२२ माध्यमिक शालांत प्रमाणपत्र म्हणजेच SSC दहावी आणि उच्च माध्यमि क प्रमाणपत्र म्हणजेच HSC बारावीच्या पुरवणी परीक्षेचे वेळापत्रक जाहीर करण्यात आले आहे.
बारावी सर्वसाधारण आणि द्विलक्षी विषयांची लेखी परीक्षा २१ जुलै ते १२ ऑगस्ट या कालावधीत होणार आहे. तर बारावी व्यवसाय अभ्यासक्रमांची परीक्षा २१ जुलै ते ८ ऑगस्ट दरम्यान होणार आहे.ही अनुत्तीर्ण विद्यार्थ्यांना मोठी संधी आहे.तर SSC दहावीची पुरवणी परीक्षा २७ जुलै ते १२ ऑगस्ट या कालावधीत होणार आहे.दहावी व बारावी च्या परीक्षेत जे विद्यार्थी अनुत्तीर्ण झाले आहेत किंवा दहावी तसेच बारावीच्या निकालात मिळालेल्या गुणांवर ज्या विद्यार्थ्यांना समाधान नसेल, अशा विद्यार्थ्यांना जुलैमध्ये परीक्षेची संधी मिळणार आहे.
