महिलेसमोर नाक घासायला लावल्याने अपमान सहन न झाल्यानं तरुणानं संपवली जीवनयात्रा
पुणे,मंडे टू मंडे न्युज वृत्तसेवा। झालेला अपमान सहन न झाल्याने तरुणानं गळफास घेऊन आत्महत्या केल्याची धक्कादायक घटना समोर आली आहे. पिंपरी-चिंचवडमध्ये हा धक्कादायक प्रकार घडलाय. 29 वर्षीय तरुणानं आपल्या राहत्या घरी आत्महत्या केली असल्याचं समोर आलंय. गळफास घेऊन तरुणानं आपली जीवनयात्रा संपवली आहे. महिलेबाबत चुकीचं वक्तव्य केलं असं समजून या तरुणाला चौघांनी मारहाण केली होती. इतकंच काय, यानंतर या तरुणाला महिलेसमोर नाकही घासायला लावलं होतं.
गैरसमजुतीतून हा सगळा प्रकार घडला असल्याचाही संशय व्यक्त केला जातो आहे. या घटनेनंतर झालेला अपमान तरुणाला सहन झाल्यानं त्यानं आयुष्य संपवलंय. या तरुणानं आत्महत्या केल्याचं कारण समोर आल्यानंतर एकच खळबळ उडाली आहे. आत्महत्या करणाऱ्या तरुणाचं नाव सचिन तळेकर असं आहे. सचिन 29 वर्षांचा होता. त्याच्या आत्महत्येनंतर आता पोलिसात तक्रारही दाखल करण्यात आली आहे.
…म्हणून जीव दिला!
पिंपरी चिंचवडमध्ये काही तरुणांनी सचिन तळेकर याला मारहाण केली होती. महिलेबाबात चुकीचं वक्तव्य केल्याच्या गैरसमजातून सचिनला मारहाण करण्यात आली. फक्त मारहाणच नाही, तर यानंतर सचिनला महिलेसमोर नाकही घासायला लावण्यात आलं होतं.
दरम्यान, झालेला अपमान सहन न झाल्यामुले सचिन सोपान तळेकर या तरुणानं टोकाचं पाऊल उचललंय. ही धक्कादायक घटना डुडुळगाव इथं घडली.दरम्यान, आत्महत्येच्या घटनेनंतर आता पोलिस याप्रकरणी तक्रार दाखल करण्यात आली आहे. तरुणाला मारहाण केलेल्या चार जणांविरोधात तक्रार देण्यात आली आहे.
या लोकांनी तरुणाला नाक घासायला लावलं?
आत्महत्या करणाऱ्या तरुणाला मारहाण करणाऱ्या तरुणांची नावंही समोर आली आहे. किरण रामदास कान्हुरकर, विजय दत्तात्रय तापकीर, अमोर बाळासाहेब तापकीर आणि अभिनव अर्जुन गायकवाड अशी आरोपींची नावे आहेत. या संपूर्ण तक्रारीनंतर आता यांच्यावर कारवाई काय होते, हे पाहणं महत्त्वाचंय. तर दुसरीकडे तळेकर कुटुंबीयांना सचिनच्या आत्महत्येनं मोठा धक्का बसलाय.
