स्वच्छता म्हणजे रोजचा सण, नाहीतर कायमचे आजारपण, रावेर केसरीनंदन प्रतिष्ठानचा उपक्रम
मंडे टू मंडे वृत्तसंकलन।
रावेर,मंडे टू मंडे वृत्तसेवा। केसरी नंदन प्रतिष्ठान,रावेर यांच्या अंतर्गत रावेर शहर परिसरात दुर्गा माता उत्सवाचे औचित्य साधून निर्माल्य संकलन अभियान राबविण्यात आले.नगरातील प्रत्येक भागातील मंडळाना तसेच घरगुती निर्माल्य संकलनाचे आवाहन करण्यात आले होते.यासाठी प्रत्येक मंडळा ठिकाणी बॅनर लावून जनजागृती करण्यात आली होती. उत्स्फूर्तपणे शहरातील प्रत्येक नागरिकांनी त्यांचा मोलाचा हातभार या निर्माल्य संकलन अभियानाला लावून पर्यावरण स्वच्छता राखण्यास हातभार लावला , सर्व नागरिकांचे प्रतिष्ठान तर्फे आभार मानण्यात आले. ह्याच प्रकारे या पुढेही नवरात्रीच्या वेळी पण हा उपक्रम राबवण्यात येणार असून श्री दुर्गा माता उत्सव मंडळांनी मदत करावी.या प्रसंगी प्रतिष्ठान चे कार्यकर्ते संदीप महाजन,चेतन इंगळे,पंकज महाजन,पवन दाणी, चंद्रकांत राऊत सर,चेतन सोनार,मोनू महाजन,गौरव शिंदे,विकास अमोदकर,चंद्रकांत इंगळे,जिवन महाजन,महेश गडे,जयेश शिंदे,चेतन पाटील,जयेश पाटील भरत शिंदे बंटी महाजन उपस्थीत होते.
