चोरीच्या गुन्ह्यातील संशयीत फरार आरोपींस एलसीबी कडून अटक
मंडे टू मंडे वृत्तसंकलन।
रावेर,मंडे टू मंडे वृत्तसेवा। रावेर पोलिस स्टेशनला दाखल चोरीच्या गुन्ह्यातील संशयीताला फरार आरोपींच्या शोध मोहिमेअंतर्गत स्थानिक गुन्हे शाखेच्या पथकाने विलास सुपडू वाघोदे यास अटक केली आहे.
यासंदर्भात अधिक असे की, विलास सुपडू वाघोदे वडगाव ता. रावेर,असे अटकेतील संशयीताचे नाव असून त्याच्याविरुद्ध रावेर पोलिस स्टेशनला गुन्हा दाखल आहे. गुन्हा दाखल झाल्यापासून विलास वाघोदे हा फरार होता. स्थानिक गुन्हे शाखेचे निरीक्षक किरणकुमार बकाले यांच्या पथकातील सहायक फौजदार अशोक महाजन, अनिल इंगळे, अनिल देशमुख, कमलाकर बागुल, रमेश चौधरी, चालक अशोक पाटील यांच्या पथकाने त्याला त्याच्या राहत्या घरातून ताब्यात घेत अटक केली. तो घरी आला असल्याची गुप्त माहिती पथकाला समजली होती. पुढील चौकशीकामी त्याला रावेर पोलिसांच्या ताब्यात देण्यात आले आहे.
