रावेर लोकसभा महायुती,भाजपा उमेदवार खा. रक्षा खडसे यांच्या भुसावळ शहरातील प्रचार रॅलीत उसळला भव्य जनसागर
भुसावळ, मंडे टु मंडे न्युज नेटवर्क l रावेर लोकसभा “महायुती व भाजपा” उमेदवार खासदार श्रीमती रक्षाताई खडसे यांच्या प्रचारार्थ आमदार श्री.संजयजी सावकारे यांच्या उपस्थितीत “भव्य प्रचार रॅली” चे भुसावळ शहर येथे आयोजन करण्यात आले. या रॅलीत खूप मोठा भव्य असा जनसागर उसळला होता.
लोकसभा “सार्वत्रिक निवडणुक २०२४ ” मध्ये “रावेर लोकसभा” क्षेत्र “भाजपा व महायुती” अधिकृत उमेदवार खासदार श्रीमती रक्षा खडसे यांच्या प्रचारार्थ भुसावळ शहर येथे तालुक्यातील भाजपा, शिवसेना, राष्ट्रवादी कॉंग्रेस, आरपीआय, रासप, मनसे ई.मित्र पक्षाच्या वतीने आमदार श्री.संजय सावकारे यांच्या उपस्थितीत “भव्य प्रचार रॅली” चे आयोजन करण्यात आले होते, या प्रचार रॅलीत मोठा जनसमुदाय लोटला होता. यावेळी त्यांनी मतदारांना अभिवादन करून विरोधकांच्या कोणत्याही भुलथापांना बळी न पडता प्रधानमंत्री श्री.नरेंद्र मोदीजी यांना सलग तिसऱ्यांदा प्रधानमंत्री बनविण्यासाठी आपण सर्वांनी येत्या १३ मे रोजी “कमळ” या चिन्हासमोरील बटण दाबून “महायुती व भाजपा” उमेदवार खासदार श्रीमती रक्षा खडसे यांना प्रचंड मतांनी विजयी करण्याचे यावेळी आवाहन केले.
