मंडे टू मंडे इम्पॅक्ट; खिर्डी खु ग्रामपंचायती ने घेतली दखल.
खिर्डी ता.रावेर(प्रतिनिधी)। नवीन गावठाण मधील पथदिवे बंद असल्याचे वृत्त मंडे टू मंडे वृत्तपत्रात प्रसिद्ध झाल्याने सदर वृत्ताची दखल त्वरीत घेतली गेली.
या बाबत सविस्तर वृत्त असे की, दि.१५ ऑक्टोबर रोजी खिर्डी खु.येथे नविन गावठाण मध्ये पथ दिवे बंदअसल्याने मुख्य रस्त्यावरून पायी ये – जा करणारे लहान मुले अबाल वृध्द यांना घनघोर अंधारात व्यवस्थित दिसत नसल्याने अंधारात बसलेले कुत्र्यांच्या अंगावर पाय पडल्यास चावा घेण्याचा प्रयत्न करीत असून शेत शिवार जवळ असल्याने विचू काट्याची भीती निर्माण झाली असून रात्री बेरात्री कपाशीच्या गाडी भरायला जाणाऱ्या कामगारां मध्ये कुत्र्यांच्या हल्ला करण्या विषयी दहशत निर्माण झाल्याने कोणीही रात्री अंधारात येण्यास धाजवत नाही. या बाबत चे वृत्त मंडे टू मंडे न्युज ने दिले असता सदर वृत्ताची ग्रामविकास अधिकारी श्री.गोकुळ सोनवणे यांनी त्वरित दखल घेत त्यांनी ग्रा. पं कर्मचारी यांना सूचना देवून तसेच महावितरण कर्मचारी यांच्या मदतीने बोंडे डिपी जवळ चा नादुरुस्त झालेला फ्यूज बदलविण्यात आल्याने नवीन गावठाण मध्ये बंद असलेले पथ दिवे पूर्ववत सुरू झाल्याने नवीन गावठाण परिसरातील नागरिकांनी मंडे टू मंडे वृत्तपत्र न्यूजचे आभार मानले.
