तासखेडा सह तापी परिसरात १५ ऑगस्ट उत्साहात साजरा
तासखेडा.ता.रावेर.मंडे टू मंडे न्युज.अनिल इंगळे। या बाबत अधिक माहिती अशी की १५ ऑगस्ट च्या निमित्ताने तासखेडा ग्रामपंचायती मध्ये पत्रकार संजय चौधरी यांच्या हस्ते ध्वजारोहन करण्यात आले. या प्रसंगी यु टी महाजन ग्रामसेवक तासखेडा तसेच तासखेडा गावचे सरपंच , सदस्य तसेच गावातील नागरिक उपस्थित होते.
जिल्हा परिषद शाळा तासखेडा येथे शाळा व्यवस्थापन समितीच्या वतीने काशिनाथ फकिरा कोळी यांना शाळेतील ध्वजारोहनाचा मान देण्यात आला. तसेच रणगांव ग्रामपंचायती वर जेष्ठ नागरिक हेमराज गिरधर कोळी तर प्राथमिक शाळेमध्ये संजय कोळी यांना ध्वजारोहनाचा मान मिळाला. १५ ऑगस्टच्या दिनाचे औचित्य साधत ग्रामपंचायत निर्वाचीत सदस्य श्री. संदिप मधुकर कोळी तसेच नितिन संजिव पाटील यांनी स्व: खर्चाने शाळेतील मुलांना शालेय साहीत्य वाटप केले. त्याच बरोबर गहुखेडा ग्रामपंचायतीचा ध्वजारोहनाचा मान हा ग्रामपंचायत सदस्या सौ. रुपाली मुकेश पाटील यांना देण्यात आला असुन प्राथमिक शाळेत सैनिक श्री धर्मपाल भालेराव यांच्या हस्ते ध्वजारोहन करण्यात आले.
