अल्पवयीन मुलीचे अपहरण करून पळविले
सावदा,ता.रावेर,मंडे टू मंडे न्युज वृत्तसेवा।। येथून जवळच असलेल्या खिरोदा येथील सोळा वर्षीय अल्पवयीन मुलीला अज्ञात व्यक्तीने फूस लावून अपहरण करून पळवून नेल्याची धक्कादायक घटना समोर आली
या संदर्भात अधिक माहिती अशी की, २३ जुलै शनिवार रोजी सकाळी आठ ते दुपारी एक वाजेच्या दरम्यान सावदा येथून जवळच असलेल्या खिरोदा येथिल सोळा वर्षीय अल्पवयीन मुलगी एकटी घरी असतांना अज्ञात व्यक्तीने तिच्याशी गोड बोलून तिचे अपहरण केले. या बाबत मुलीच्या कुटुंबीयांनी रविवारी रात्री पोलिसस्टेशनला तक्रार केल्याने सावदा पोलिसस्टेशनला अज्ञात व्यक्ती विरोधात गुन्हा दाखल करण्यात आला आहे.
