निंभोरा पोलिसांकडून वडगाव येथील महिला बचत गटाला पापड मशीन भेट
खिर्डी,ता.रावेर,मंडे टू मंडे न्युज, प्रतिनिधी। येथून जवळच असलेल्या वडगाव ता.रावेर येथे जागतिक महिला दिना निमित्त निंभोरा पोलीस स्टेशन तर्फे वडगाव येथील पंचशीला महिला स्वयंरोजगार बचत गटास पापड मशिन पोलीस प्रशासनातर्फे भेट देण्यात आली क्रांतिज्योती सावित्रीबाई फुले यांच्या प्रतिमेचे पूजन करून कार्यक्रमास सुरुवात करण्यात आली. यावेळी प्रमुख पाहुणे म्हणून फैजपूर येथील उपविभागीय पोलिस अधिकारी अधिकारी डॉ.कुणाल सोनवणे यांनी मार्गदर्शन केले व महिलांना पापड मशीन भेट दिली.
यावेळी निंभोरा पोलीस स्टेशन चे सहाय्यक पोलिस निरीक्षक गणेश धुमाळ, पीएसआय राजेंद्र पाटील, भाजपयुमो जिल्हाध्यक्ष श्रीकांत महाजन, निंभोरा सिम चे मा.सरपंच राजू सवर्णे, राष्ट्रवादी ओबीसी चे तालुकाध्यक्ष सुनील कोंडे, सचिन पाटील , ग्रा. पं.सदस्य ॲड. आनंद वाघोदे , भैया पाटील , बचत गटाच्या अध्यक्षा पिंकीताई , प्रवीण धुंदले, कांतीलाल गाढे, प्रदीप महाराज पंजाबी ,संकेत पाटील, शालीक सोनवणे,यांसह वडगाव पोलीस पाटील संजय पाटील, दगडू पाटील,मकबूल तडवी यासह वडगाव येथील ग्रामस्थ व महिला मोठ्या प्रमाणावर उपस्थित होत्या. सूत्रसंचालन आनंद वाघोदे तर आभार राम वाघोदे यांनी केले
