गुरांची अवैध वाहतूक करणारा ट्रक पकडला
रावेर,मंडे टू मंडे न्युज वृत्तसेवा। गुरांना निर्दयपणे ट्रक मध्ये कोंबून वाहतूक करताना आज दुपारी बऱ्हाणपूर कडून येणारा ट्रक रावेर येथील डॉ. बाबासाहेब आंबेडकर चौकात पोलिसांना संशय आल्याने ताब्यात घेतला आहे.
आज दुपारी बऱ्हाणपूर कडून येणारा तारपत्री चढवलेला एमएच १८ बिजी ३६८३ या क्रमांकाचा ट्रक रावेर येथील डॉ. बाबासाहेब आंबेडकर चौकात आला असता पोलिसांना संशय आल्याने त्यांनी ट्रक वरील तरपत्री हटवून तो तपासला असता त्यात सुमारे २५ गायी, वासरी, बैल, निर्दयपणे कोंबून भरलेले आढळले.
ट्रक व गुरे असे एकूण ६ लाख १८ हजाराचे पशुधन रावेर पोलिसांनी जप्त केले असून सर्व गुरांना गौ-शाळेत रवाना केले आहे या बाबत रावेर पोलिस स्टेशनला गुन्हा दाखल करण्यात आला असून ट्रक चालक फरार आहे,सदरची कारवाई सहाय्यक पोलीस निरीक्षक शितलकुमार नाईक व पथकाने केली.
