महसूल विभागाच्या भरारी पथकाची कारवाई.अवैध वाळू वाहतूक करणारे ट्रॅक्टर ट्रॉली जप्त
खिर्डी ता.रावेर,मंडे टू मंडे न्यूज प्रतिनिधी। तालुक्यातील बलवाडी येथील पुरी गोलवाडा रस्त्यावरील स्मशानभूमी जवळ २२-९-२२ रोजी रात्री नऊ वाजताच्या सुमारास तलाठी निलेश पद्माकर पाटील बलवाडी सजा यांच्या पथकाने वाळूने भरलेले ट्रॅक्टर थांबवून चौकशी केली असता सदर ट्रॅक्टर हे बलवाडी येथील रहिवाशी विलास सतराज तायडे यांच्या मालकीचे ट्रॅक्टर ट्रॉली मध्ये चार हजार रुपये किंमतीची एक ब्रास वाळू भरलेली होती.
सदर ट्रॅक्टर पुढील कारवाई साठी तहसील कार्यालय रावेर येथे घेवून जाण्यास सांगितले असता त्यांनी ट्रॅक्टर पुढे घेवून जाण्याचा बहाणा करून शासकीय नोकराचे निर्देश न पाळता गर्दीचा फायदा घेत विलास तायडे याने सदर ट्रॅक्टर पळवून नेले.या प्रकरणी तलाठी निलेश पाटील बलवाडी सजा यांनी फिर्याद दिल्यावरून निंभोरा पोलिस स्टे.ला गुन्हा दाखल करण्यात आला असून सदरील गुन्ह्याचा पुढील तपास सपोनि श्री.गणेश धुमाळ यांच्या मार्गदर्शनाखाली पो.हेकाॅ गणेश सुर्यवंशी,पोलिस नाईक,ईश्वर चव्हाण हे करीत आहे.तपासात आरोपी विलास शतराज तायडे रा. बलवाडी यास अटक करण्यात आली असून गुन्ह्यात वापरलेले ट्रॅक्टर ट्रॉलीसह जप्त करण्यात आले आहे.तसेच आरोपीस मे.कोर्ट रावेर येथे हजर केले असता तपास कामी पोलिस कोठडी मिळालेली आहे.
