ऐनपुर येथे शेतमजूराची तापी नदीत उडी घेऊन आत्महत्या
ऐनपुर,ता.रावेर,मंडे टू मंडे न्युज प्रतिनिधी। रावेर तालुक्यातील ऐनपुर येथे लक्ष्मण किसन महाजन या शेतमजूराने नदी च्या पात्रात आत्महत्या केल्याने खळबळ उडाली आहे.
सविस्तर वृत्त असे की ऐनपुर ता. रावेर येथे आज दिनांक २६/०९/२०२२ रोजी सकाळी १०.३० वाजता च्या सुमारास लक्ष्मण किसन महाजन ( चोपडे ) वय ५३ वर्षे यांनी ऐनपुर व विटवा या दोन्ही गावाच्या मध्ये असलेल्या ऐनपुर शिवारातील तापी नदीच्या बॅक वॉटर च्या पुलावरून उडी घेऊन आपली जीवन यात्रा संपवली आहे सदर घटनेची ऐनपुर येथील पोलिस पाटील दिपाली तायडे यांनी निंभोरा पोलीस स्टेशन येथे खबर दिली.
गावातील नदीच्या पात्रात पट्टी चे पोहणारे एकनाथ भिल्ल यांनी लक्ष्मण किसन महाजन (चोपडे) यांना फुगोट्याच्या पाण्यातून बाहेर काढले प्रेत ग्रामीण रुग्णालयात शवविच्छेदन करण्यासाठी पाठविले असून आत्महत्येचे कारण अजून समजू शकले नाही पुढील तपास निंभोरा पोलीस स्टेशन चे ए पी आय गणेश धुमाळ यांच्या मार्गदर्शनाखाली हेड कॉन्स्टेबल ज्ञानेश्वर चौधरी कॉन्स्टेबल प्रभाकर धसाळ हे करीत आहेत
