निंभोरा स्टेशन येथील उड्डाणपुलाची खा. रक्षा खडसेकडून पाहणी
खिर्डी ता.रावेर,मंडे टू मंडे न्युज, प्रतिनिधी। तालुक्यातील निंभोरा स्टेशन जवळ दोन्ही बाजूने निंभोरा व खिर्डी गावाचा मुख्य वाहतुकीचा रस्ता असल्याने रेल्वे विभागामार्फत सदर ठिकाणी उड्डाणपूल (FoB) प्रस्तावित करण्यात आलेला असुन, सध्या उड्डाणपूलाचे (FoB) काम प्रगतिपथावर आहे.
आज सदर ठिकाणी रावेर लोकसभा क्षेत्राच्या खासदार श्रीमती रक्षाताई खडसे यांनी भेट देऊन उड्डाणपूल (FoB) ची पाहणी केली. तसेच रेल्वे अधिकाऱ्याकडून कामाच्या प्रगतीबाबत यावेळी माहिती घेऊन, योग्य त्या सुचना केल्या. यावेळी खासदार श्रीमती रक्षा खडसे यांच्यासह भाजयुमो जिल्हाध्यक्ष श्रीकांत महाजन, भाजपा तालुका सरचिटणीस महेश चौधरी, हरलाल कोळी, शुभम पाटील सह बहुसंख्य कार्यकर्ते उपस्थित होते.
