सावदा येथे घरफोडी, सोने-चांदीच्या दागिन्यांसह रोख रक्कम लंपास
सावदा, ता.रावेर, मंडे टू मंडे न्युज वृत्तसेवा। येथील वंजारवाडी भागातील शरद भारंबे हे बाहेरगावी गेल्याची संधी साधत घराचे कुलूप तोडून घरातील रोख रकमे सह सोने-चांदीचे दागिने लंपास केले.
येथील शिवजीचौक, वंजारवाडी भागातील रहिवाशी शरद गिरधर भारंबे हे कामानिमित्त कुटुंबासह दि.१५ ते १७ तारखे दरम्यान बाहेरंगावी गेले असता घर बंद असल्याची संधी साधत चोरट्यानी घराचे कुलूप तोडून घरातील कपाटातील २० हजार रोख रुपये ५०० च्या नोटा, पाच- पाच ग्राम वजनाच्या पंधरा -पंधरा हजार रु किमतीच्या सोन्याच्या दोन अंगठ्या, पाच ग्राम वजनाचे पंधरा हजार रुपये किमतीचे सोन्याचे कानातील डोरले, तसेच लहान मुलाच्या कानातील नऊ हजार रुपये किमतीच्या दोन रिंगा, सहा ग्राम वजनाचे अठरा हजार रुपये किमतीचे कानातील दोन डोरले, साडे चार हजार रुपये किमतीच्या नाकातील सव्वा ग्रम वजनाच्या तीन फुल्या, तसेच वीस हजार रुपये किमतीचे चांदीचे दागिने त्यात सहा नग तोरड्या,दोन नग जुळवे,एक चैन,एक कमरेचा छला असे एकुण १,१८,५०० रुपये किमतीचा सोन्याचे दागिने व रोख रक्कमेची चोरी केली.या बाबत सावदा पोलिसस्टेशनला अज्ञात व्यक्ती वीरोधात गुन्हा दाखल करण्यात आला असून पुढील तपास सपोनि जालिंदर पळे यांचे मार्गदर्शना खाली सुरू आहे.
