ऐनपुर येथे सीसी टिव्ही कॉमेरे सुरु, लक्ष ठेवणार आता तिसरा डोळा
ऐनपूर,ता.रावेर, मंडे टू मंडे न्युज, प्रतिनिधी। रावेर तालुक्यातील ऐनपुर येथे सरदार वल्लभभाई पटेल चौकात लोक वर्गणी गोळा करून सीसी टिव्ही कॉमेरे बसण्यात आले होते परंतु ते नादुरुस्त झाल्यामुळे काही दिवसा पासुन बंद अवस्थेत होते त्या मुळे चौकात गैर प्रकारात वाढ होऊन परणामी गावाच्या सुरक्षेचा प्रश्न ऐरणीवर आला,
ऐनपूर हे परिसरातील मध्यवर्ती गाव असून या ठिकाणी शनिवारी बाजार भरत असतो त्या मुळे चौकात मोठ्या प्रमाणावर नागरीकाची वर्दळ असते .त्यामुळे पाकीट, मोबईल चोरीच्या घटना घडू नये म्हणुन गावातील लोकांनी लोक वर्गणी गोळा करून हे सीसी टिव्ही कॉमेरे चौकात बसविले होते, गावात काही घटना घडल्यास पोलीसांना तपास करण्यास मदत होते परंतु सीसी टिव्ही बंद असल्या मुळे चौकात वर्दळ असते त्यामुळे येथे किरकोळ असे प्रकार हे नेहमी घडत असतात त्यामुळे कॉमेरा हा चौकात तिसरा डोळा म्हणून काम करत असतो परंतु कोमेरे बंद अवस्थेत असल्याने काही अघटित घटना घडु नये म्हणून गावातील लोकांनी व पत्रकारांनी ग्राम पंचायत मध्ये सरपंच व ग्रामसेवक याची भेट घेऊन बंद कॉमेरे सुरु करण्याबाबत चर्चा केली असता ग्राम पंचायतीने नादुस्त सीसी टिव्ही कॉमेरे हे आपल्या स्वतःच्या खर्चाने नविन कॉमेरे हे चौकात बसून दिले
