ऐनपूर येथे घाणीचे साम्राज्य,
ग्राम पंचायतचे दुर्लक्ष
ऐनपूर,ता.रावेर,मंडे टू मंडे न्युज,विजय के अवसरमल। ऐनपूर येथे आंबेडकर नगर परिसरात घाणीचे साम्राज्य पसरले असून ग्रामस्थांचे आरोग्य धोक्यात आले आहे.
अधिक माहिती अशी की, ऐनपूर येथे आंबेडकर नगर फलका समोर मोठा ऊकीरडा टाकण्यात आल्या मुळे मोठ्या प्रमाणात घाण होत आहे त्यातल्यात्यात पाऊस पडत असल्यामुळे घाण रस्त्यावर येत आहे उकिरड्या मुळे डास मोठ्या प्रमाणात होत असल्यामुळे नागरिकांच्या आरोग्यावर परिणाम होत आहे . डासांमुळे साथीचे रोग पसरण्याची दाट शक्यता असुनही ग्राम पंचायत प्रशासन याकडे दुर्लक्ष करत असल्याचे चित्र दिसत आहे,शेजारी घर असल्यामुळे नागरिकांना दुर्गंधी येत असल्याने त्याच्या आरोग्यावर परिणाम होत आहे,
ग्राम सभेला या उर्कीड्याचा प्रश्न माडण्यात आल्यावर सुद्धा यावर ग्रामपंचायतने कोणतीही कारवाही केली नाही तसेच दुर्गंधी युक्त उकिरड्यातल पाणी रस्त्यावर साचत असल्यामुळें या भागातील लोकांना रात्री बेरात्री घाण पाण्यातून येजा करावी लागत आहे, तसेच सदर ठिकाणी डासांची उत्पत्ती करिता पोषक वातावरण निर्माण झाल्यामुळे मोठ्या प्रमाणावर डासांचा प्रादुर्भाव वाढत असल्याने ग्रामपंचायत प्रशासनाने याकडे लक्ष देवून फवारणी सह योग्य ती उपाय योजना करावी,व सबंधितांवर कारवाई करावी अशी मागणी ग्रामस्थांनी केली आहे.
