ईद-ए-मिलाद सावदा येथे उत्साहात साजरी
सावदा,ता.रावेर,मंडे टू मंडे न्युज वृत्तसेवा। सावदा शहरात मुस्लिम बांधवांनी एक सलोख्याचे दर्शन घडवीत ईद ए मिलाद गणेश विसर्जनाच्या दिवशी म्हणजे दि २८ रोजी साजरी न करता दि २९ रोजी साजरी केली त्या नुसार दि २९ रोजी सकाळी ईद ए मिलाद ची जुलूस सुरू झाले यात मुस्लिम लहान थोर बांधव मोठ्या संख्येने सहभागी झाले होते.
यावेळी दरवर्षीप्रमाणे मोहम्मद पैगंबर यांचे नावाचा जयघोष करीत हा जुलूस शहरातून काढण्यात आला यावेळी लहान मुले घोड्यावर बसून होते तर मुस्लिम बांधव धार्मिक गाणे व जयघोष करीत होते, शहरातील मुख्य रस्त्यावरून निघालेली मिरवणूक नमाज पठणा नंतर संपन्न झाली यावेळी देखील स. पो.नी. जालिंदर पळे यांचे मार्गदर्शना खाली पोलीस बांधवांनी चोख बंदोबस्त ठेवला होता तर नमाज पठणा नंतर मुस्लिम बांधव यांनी एकमेकांना ईद ए मिलाद च्या शुभेच्छा दिल्या
