खिर्डी येथे ट्रान्सफॉर्मर वर विज कोसळल्याने विद्युत पुरवठा खंडित
खिर्डी ता.रावेर,मंडे टू मंडे न्युज प्रतिनिधी। शुक्रवार रोजी दुपारी तीन वाजेच्या सुमारास पावसाने सुरवात केली.अचानक ढगांचा गडगडाट सुरू झाला.बलवाडी रोडवरील श्रीकृष्ण मंदिर संस्थान जवळील ट्रान्सफॉर्मर वर विज कोसळली असता डिस्ट्रीब्यूशन बॉक्स ने पेट घेतला त्यामुळे या भागातील वीजपुरवठा ठप्प झाला असून नागरिकांना अनेक समस्यांना तोंड द्यावे लागत आहे.
अद्यापही विज पुरवठा केव्हा सुरळीत याची खात्री नसल्याने विजेवर चालणारी सर्व कामे खोळंबली असल्याचे चित्र दिसत आहे.सुदैवाने या ठिकाणी कोणतीही जीवितहानी झाली नाही.सदरील घटनास्थळी महावितरण कंपनीच्या कर्मचाऱ्यांनी भेट दिली असता लवकरच ट्रान्सफॉर्मर दुरुस्तीचे काम सुरू करण्यात येईल अशी माहिती देण्यात आली .
