सावदा येथील कोष्टी समाज व चर्मकार समाज सभागृहा साठी ५० लाखाचा निधी मंजूर
सावदा,ता.रावेर,मंडे टू मंडे न्युज वृत्तसेवा। सावदा येथील कोष्टीसमाज बांधवांच्या बसेश्वर महाराज सांस्कृतिक सभागृहा साठी व चर्मकार समाज सभागृहा साठी मुक्ताईनगर चे आ. चंद्रकांत पाटील यांनी ५० लाखाचा निधी उपलब्ध करुन दिला आहे.
सावदा शहरातील कोष्टी समाज बांधवा च्या बसेश्वर महाराज सांस्कृतिक सभागृहा साठी बऱ्याच वर्षांपासून मागणी होती तसेच सावदा शहरात गेल्या अनेक वर्षा पासून चर्मकार समाजा साठी समाज मंदिर व्हावे अशी मागणी होती .
यासाठी शहरातील कोष्टी समाज बांधव व चर्मकार समाज बांधव सातत्याने प्रयत्न करीत होते त्यासाठी त्यांनी मुक्ताईनगर चे आ. चंद्रकांत पाटील यांचे कडे देखील पाठपुरावा केला व आ. पाटील यांनी देखील सदर मागणी कडे काळजी पूर्वक लक्ष देऊन तातडीने येथील चर्मकार समाज बांधवा साठी समाज मंदीर उभारणी साठी २५ लाख रुपयांचा निधी मंजूर केला असून याच सोबत शहरातील कोष्टी समाज बांधवा च्या बसेश्वर महाराज सांस्कृतिक सभागृहा साठी मागणी होती त्यांचे साठी देखील २५ लक्ष रुपयांचा निधी मंजूर करण्यात आला असल्याने कोष्टी समाज बांधव व चर्मकार समाज बांधवांकडून आभार व्यक्त केले जात आहे.
