रावेर तालुक्यात जुगार अड्ड्यावर धाड, ११ जुगाऱ्याना अटक, सावदा पोलिसांची कारवाई
सावदा,ता.रावेर, मंडे टू मंडे न्युज वृत्तसेवा। रावेर तालुक्यातील सावदा येथुन जवळच असलेल्या वाघोदा खुर्द गावा लागत सुरू असलेल्या जुगार अड्ड्यावर सावदा पोलीसांनी धाड टाकून कारवाई केली यात ११ जणांना अटक करून त्याच्या जवळून ३५ हजार ७०० रुपयांचा मुद्देमाल हस्तगत करण्यात आला असून त्यांच्यावर सावदा पोलिसस्टेशनला गुन्हा दाखल करण्यात आला आहे, त्यांचे कडून ३५ हजार ७०० हजारांचा मुद्देमाल हस्तगत केला आहे.
मिळालेली अधिक माहिती अशी की, रावेर तालुक्यात लहान वाघोदा गावाजवळ असलेल्या मस्कावद रोड वर झाडाजवळ अवैधरित्या जुगार सुरू असल्याची गोपनिय माहिती सावदा पोलीसांना मिळाली. सावदा पोलीसांनी आज शनिवारी २७ मे रोजी दुपारी ३ वाजता जुगार अड्ड्यावर छापा टाकून धनराज राजेंद्र पाटील, अनवर उर्फ फिराज सरवर पटेल, साबीर सिकंदर पटेल, विनोद काशिनाथ कोळी, सुभाष मुरलीधर पाटील, अरविंद उर्फ दिपक रमेश पाटील, सुभाष धोंडू चौधरी, शाहरूख सिकंदर पटेल, उमेश पंडीत कोळी, अनिल रसुल पटेल, सर्व रा. वाघोदा ता. रावेर, काशिनाथ कोरोशिया रा. मेहतर कॉलनी, सावदा ता. रावेर या ११ जणांवर गुन्हा दाखल करण्यात येऊन त्यांना अटक करण्यात आली आहे, त्यांचे कडून जुगाराचे साहित्य व रोकड मिळून एकुण ३५ हजार ७०० रूपयांचा मुद्देमाल जप्त केला.
ही कारवाई स पो नि जलिंदर पळे यांच्या मार्गदर्शनाखाली स फौ पांडूरंग सपकाळे, पोहेकॉ विजय पोहेकर, पोहेकॉ संजीव चौधरी, पो.ना. अक्षय हिरोळे, पो.ना. यशवंत टहाकळे, पो.कॉ. विनाद दामोदर यांनी केली .
