रावेर तालुक्यात तरुणीची गळफास लावून आत्महत्या
रावेर,मंडे टू मंडे न्युज वृत्तसेवा। रावेर तालुक्यातील रावेर येथून जवळच असलेल्या कुसुंबा येथील अठरा वर्षीय तरूणीने आज दुपारी राहत्या घरात गळफास घेवून आत्महत्या केल्याची धक्कादायक दुर्दैवी घटना घडली.
मिळालेली अधिक माहिती अशी की,आज बुधवार दि.२० जुलै रोजी सकाळी १० ते १०.३० वाजेच्या सुमारास रावेर तालुक्यातील कुसुंबा येथील १८ वर्षीय पूजा रवींद्र तायडे या तरुणीने घरातील बाथरूम मध्ये गळफास लावून आत्महत्या केल्याची दुर्दैवी घटना घडली असता तातडीने तरुणीस रावेर ग्रामीण रुग्णालयात दाखल केले परंतु वैद्यकीय अधिकारी यांनी तिला मयत घोषित केले. या बाबत रावेर पोलिसस्टेशनला अकस्मात मृत्यूची नोंद करण्यात आली आहे.
