दसनुर, निंभोरा येथे गुटखा किंग देतायं कर्करोगाला आमंत्रण!
मंडे टू मंडे न्युज वृत्तसेवा। रावेर तालुक्यातील दसनुर व निंभोरा येथून महाराष्ट्रात विक्रीस व बाळगण्यास बंदी असलेल्या आरोग्यास अपायकारक असलेला तंबाखूजन्य गुटखा मोठ्या प्रमाणावर परिसरात पोहचवला जातो. ऐक प्रकारे हे गुटखा किंग कर्करोगाला आमंत्रणच देत आहेत. ते स्वतः साठी नाही तर दुसऱ्या लोकांना मृत्यूच्या दाढेत ढकलण्याचे काम करीत आहेत. दररोज येथे गुटख्याच्या व्यवसायात लाखो रुपयांची उलाढाल होत असते.
रावेर तालुक्यातील दसनुर येथे विठ्ठल मंदिर परिसरात पाण्याच्या टाकी जवळ येथे गुटखा तस्करीचे मोठे केंद्र असून येथून दररोज लाखो रुपयांच्या तंबाखू जन्य गुटख्याची परिसरातील गावांमध्ये तस्करी केली जाते. येथून दसनुर सह आंदलवाडी,तांदलवाडी, मंगलवाडी, सिंगनूर, निंभोरा, खिर्डी, वाघोदा,सावदा, विवरा,परिसरातील आदी गावांमध्ये पोहोच केला जातो काही विक्रेते दसनुरला सुद्धा गुटखा घेण्यासाठी येतात.
तसेच रावेर तालुक्यातीलच निंभोरा येथील बसस्थानक परिसरात एका दुकानातून खुलेआम गुटख्याची निंभोरा परिसरातील गावांमध्ये इंडिका गाडीतून पोहोच केली जाते,बऱ्हाणपूर -मध्यप्रदेश मधून इंडिका गाडीतून गुटखा आणला जात असून याच गाडीतून सर्वत्र आजूबाजूच्या निंभोरा सह मोठा वाघोदा, विवरा खु,बु।।, तांदलवाडी,आंदलवाडी, सावदा सह आदी खेड्यांवर गुटख्याची पोहोच करून विक्री केला जातो. ही गाडी रावेर तालुक्यातीलच रोझोद्याची असल्याची माहिती मिळत आहे.
गुटख्या मुळे फुफ्फुसाचा व तोंडाचा कॅन्सर सारखा जीवघेणा आजार होत असतानाही तसेच अशी अनेक प्रकरणेही समोर येत असताना गुटख्याची तस्करी करून विक्री केली जाते.याला आळा घालणार कोण?
