खा.रक्षा खडसे यांचे कडून खिर्डी परिसरातील नुकसान ग्रस्त घरांची व शेती पिकांची पाहणी
खिर्डी ता.रावेर,मंडे टू मंडे न्युज, प्रतिनिधी। रावेर तालुक्यातील खिर्डी या गावासह परिसरात १८ मार्च २३ शनिवार रोजी रात्री ११ वाजेच्या सुमारास अचानक आलेल्या वादळ वाऱ्यासह अवकाळी पावसामुळे घरावरील टिन व पत्रे उडाली असून यांसह कापणी योग्य गहू, हरभरा,तसेच मका, केळी,टरबूज या पिकांचे नुकसान झाल्याने शेतकरी हवालदिल झाले आहेत.
तसेचआज सकाळी दहा वाजेच्या सुमारास रावेर लोकसभा मतदार संघाचे खासदार रक्षताई खडसे यांनी रावेर तालुक्यातील खिर्डी परिसरातील घरांसह शेती पिकांची पाहणी करून तात्काळ पंचनामे करण्यात यावे याबाबत परिविक्षाधीन तहसीलदार मयूर कळसे यांना सूचित करण्यात आले आहे.तसेच माजी जिल्हा परिषद उपाध्यक्ष नंदकिशोर महाजन, भाजयुमो जिल्हाध्यक्ष श्रीकांत महाजन, महेश चौधरी, भा.ज.पा तालुकाध्यक्ष राजन लासुरकर,विलास पाटील, सोनू पाटील,नीलकंठ बढे,यांच्यासह कार्यकर्ते व शेतकरी बांधव मोठ्या संख्येने उपस्थित होते.
