खिर्डी येथे कृषी दुतांतर्फे महाराष्ट्र कृषी दिवस साजरा
खिर्डी ता.रावेर,मंडे टू मंडे न्युज प्रतिनीधी। खिर्डी येथे डाॅ.उल्हास पाटील कृषीमहाविद्यालय, जळगाव येथील कृषीदूतांकडून विविध दिन साजरे केले जातात.त्याच प्रमाणे १ जुलै रोजी महाराष्ट्राचे माजी मुख्यमंत्री व महाराष्ट्र हरित क्रांतीचे जनक श्री.वसंतराव नाईक यांच्या जयंतीनिमित्त ‘महाराष्ट्र कृषी दिन’ साजरा केला .
यावेळी कृषीदूतांनी श्रीमती शांताबाई प्रल्हाद राणे माध्यमिक विद्यालय, खिर्डी यांच्यासोबत गावातून वृक्षसंवर्धनाची घोषवाक्य देत प्रभातफेरी काढली. कृषीदूतांकडून शाळेस झाडांची रोपे भेट दिली.या कार्यक्रमास श्रीमती शांताबाई प्रल्हाद राणे माध्यमिक विद्यालय, खिर्डी शाळेचे विद्यार्थी, शिक्षकवृंद व कृषीदूत पंकज लामगे, पंढरीनाथ मंडळ ,तेजस मांडरे,श्रीकांत माने,मेकाला तरुण व एम.हर्षवर्धन इ. उपस्थित होते.
