सावदा येथील महादेव मंदिरात महारुद्र अभिषेक सोहळ्याचे आयोजन
सावदा, ता.रावेर, मंडे टू मंडे न्युज वृत्तसेवा। सावदा शहरातील कोष्टी वाड्यातील महादेव मंदिरात चौथ्या श्रावण सोमवारी महारुद्र अभिषेकाचे आयोजन केले आहे. भाविकांनी सहभागी व्हावे, असे आवाहन कोष्टी युवा मंच & कोष्टी महिला मंडळाने केले आहे.
गेल्या वर्षी या एक दिवसीय कार्यक्रमात ३०- ३५ भाविकांनी सहभाग घेतला होता. यंदाचा हा कार्यक्रम चौथ्या श्रावण सोमवारी ११ सप्टेंबर २०२३ रोजी सकाळी ८ वाजता सुरू होईल. या पवित्र महारुद्र पूजेला बसणाऱ्या नित्यसेवा, अभिषेक पात्र, तामण, पाण्याची बाटली, पाट, १०८ बेलपत्र, आसन, चमचा, तांब्याचा तांब्या, शिवलिंग, महामृत्युंजय यंत्र, जपमाळ व हळद- कुंकू, अष्टगंध, अक्षता, अत्तर, कापूर, जानव, शिवमूठ, मूग, भस्म, नारळ इत्यादी घेऊन सकाळी ८ वा वेळेवर उपस्थित राहावे. हा कार्यक्रम कोष्टी युवा मंच आणि कोष्टी महिला मंडळाच्या संयुक्त विद्यमाने आयोजित केला आहे. भाविकांनी वेळेवर उपस्थित राहावे
