कुंभारखेडा परिसरात वादळी वाऱ्याने केळीचे मोठे नुकसान
सावदा,ता.रावेर,मंडे टू मंडे न्युज वृत्तसेवा। रावेर तालुक्यातील सावदा येथून जवळच असलेल्या कुंभारखेडा परिसरात वादळीवाऱ्याने केळीचे मोठे नुकसान झाले आहे तर अनेक झाडे सुद्धा वादळामुळे जमीनदोस्त झाली आहे, झाडाच्या फांद्या घरावर पडल्याने घरांचे सुद्धा नुकसान झाले आहे. तर काही घरां वरील पत्रे देखिल उडल्याचे वृत्त असून विजेच्या तारा सुध्दा तुटलेल्या आहेत,काही प्रमाणात पाऊस देखिल पडला आहे.
या बाबत मिळालेली माहिती अशी की रावेर तालुक्यातील कुंभारखेडा परीसरात वादळी वाऱ्याने हजेरी देत काही शेतक-यांचे केळीचे नुकसान झाले आहे.अनेकांच्या केळी बागेचे मोठे नुकसान झाले असून वादळामुळे झाडे सुद्धा पडली आहेत.काही घराचे सुद्धा नुकसान झाल्याचे वृत्त असून केळी बागांचे नुकसान झाल्याने शेतकरी चिंतीत आहे.
