“मंडे टू मंडे न्यूज इम्पॅक्ट” खिर्डी खु येथील शौचालयाचे सेप्टिक टाकी बुजविण्याचे काम जोमात सुरू
खिर्डी ता.रावेर,मंडे टू मंडे न्युज प्रतिनिधी। रावेर तालुक्यातील खिर्डी खु येथील बलवाडी रस्त्यावरील नवीन गावठाणातील शौचालय जीर्ण झाल्यामुळे ठिकठिकाणी तडा गेल्यामुळे कोणत्याही प्रकारची विपरीत घटना घडू नये याकरिता गेल्या कित्येक वर्षापासून सदरील शौचालय बंद करण्यात आले होते.तसेच सेप्टिक टाकीवर ठेवण्यात आलेले फर्श्यांचे झाकण अज्ञात लोकांनी चोरून नेले मुळे टाकी उघडी असल्याने त्या टाक्यांमध्ये मोठ्याप्रमाणात पाणी साचले मुळे आजूबाजूला गवत वाढल्याने मोकाट जनावरे हिरवे गवत खाण्यासाठी जात असल्यामुळे शौचालयाच्या सेप्टिक टाकीत पडून मृत्यमुखी झाले होते.तसेच काही जनावरांना ग्रामस्थांचे मदतीने जीवदान देण्यात आले आहे.
तसेच ”खिर्डी येथील जीर्ण अवस्थेतील शौचालय अजून किती जनावरांचा घेणार बळी” या मथळ्याखाली १४ जानेवारी रोजी “मंडे टू मंडे न्यूज” ने वृत प्रकाशित केले होते या वृत्ताची दखल रावेर पंचायत समितीचे गटविकास अधिकारी यांनी घेतली असता सबंधित शौचालयाचे सेप्टिक टाकी बुजविण्यात यावी याबाबत ग्रामविकास अधिकारी यांना सूचित करण्यात आले होते.तसेच याबाबत सरपंच राहुल फालक व ग्रा.पं.सदस्य अल्ताफ बेग यांनी पुढाकार घेवून ठेकेदार अकील बेग यांच्यामार्फत शौचालयाचे सेप्टिक टाकी बुजविण्याचे काम आजपासून सुरू करण्यात आले आहे.त्यामुळे ग्रामस्थांनी “मंडे टू मंडे न्यूज” चे आभार व्यक्त करीत समाधान मानले.
