मोटारसायकलची एसटी बसला धडक, एकाचा मृत्यू, एक जखमी, रावेर तालुक्यातील घटना
रावेर,ता.रावेर, मंडे टू मंडे न्युज वृत्तसेवा। मोटारसायकलने एसटी बसला मागून जोरदार धडक दिल्याने एक जण ठार तर एक जखमी झाल्याची घटना रावेर तालुक्यातील मोरव्हाल येथे घडली.
विठ्ठल रामसिंग भिलाला व बबलू आनसिंग भिलाला हे दोघे मोटरसायकल क्रमांक एमपी १०, एमसी ०९३० ने खरगोन कडून रावेरकडे येत असता पाल कडून रावेरकडे येणाऱ्या बस क्रमांक एमएच २०, बीएल ०९१० या बसला मोरव्हाल फाट्याजवळ मागून धडक दिल्याने झालेल्या अपघातात विठ्ठल भिलाला ,वय ५० वर्ष, हे ठार झाले. तर बबलू आनसिंग भिलाला ,वय ३० वर्ष, रा. बोरवाल, ता. झिरण्या, जि. खरगोन, मध्यप्रदेश हा जखमी झाला. या बाबत सुनील भिलाला याने रावेर पोलिस स्टेशनला दिलेल्या माहितीवरून अपघाताची नोंद करण्यात आली आहे. या बाबत पुढील तपास पोलिस उपनिरीक्षक सचिन नवले करीत आहेत.
