वृद्धेची जळगाव – मस्कावद बस प्रवासा दरम्यान सोन्याची पोथ लंबविली
सावदा, ता. रावेर. मंडे टु मंडे न्युज नेटवर्क l बस मधील गर्दीचा फायदा घेत जळगाव ते मस्कावद असा बस प्रवास करीत असताना मस्कावद येथील वृद्ध महिलेची पाच ग्रॅम सोन्याची पोथ लांबविली.
रावेर तालुक्यातील मस्कावद येथील कमलाबाई रमेश भालशंकर वय ७१ वर्ष ही वृद्ध महिला जळगाव ते मस्कावद असा बस प्रवास करीत असताना तिच्या गळ्यातील पाच ग्रॅम (अर्धा तोळा) वजनाची सोन्याची पोथ लंबवीली. ही घटना बुधवार २७ मार्च रोजी दुपारी १२.१५ ते ३.१५ वाजेच्या दरम्यान जळगाव – मस्कावद बस प्रवासा दरम्यान घडली,
या बाबत महिलेच्या तक्रारी वरून सावदा पोलीसस्टेशनला अज्ञात इसमां विरोधात गुन्हा दाखल करण्यात आला असून पुढील तपास सावदा पोलीसस्टेशनचे जालिंदर पडे यांचे मार्गदर्शनाखाली पोलिस नाईक मजहर पठाण हे करीत आहेत.
