दुचाकींच्या समोरासमोरील धडकेत एक ठार दोन जखमी
सावदा,ता.रावेर,मंडे टू मंडे न्युज वृत्तसेवा। रावेर तालुक्यातील सावदा-कोचुर रोडवर मोरी जवळील वळणावर दोन दुचाकींची समोरा-समोर झालेल्या धडकेत एक जण ठार झाला असून दोन जखमी झाले आहेत.
या संदर्भातील मिळालेली अधिक माहिती अशी की, सावदा – कोचूर रस्त्यावरील मोरी जवळील पहिल्या वळणावर आज दुपारी साडे अकरा ते बारा वाजेच्या सुमारास एमएच १५ डीव्ही १३०६ आणि एमएच १९ डीजी ८४६७ क्रमांकांच्या मोटार सायकलींची समोरासमोर जेरदार धडक झाली
यात कुणाल मधुकर साळी(सावदा ) यांचा मृत्यू झाला असून यश किशोर धांडे आणि पुष्कर हेमा बढे दोन्ही राहणार चिनावल हे दोन जण जखमी झाले आहेत.दोन्ही जखमींना फैजपूर येथील खासगी दवाखान्यात दाखल करण्यात आले असून सावदा पोलीस पुढील कारवाई करीत आहेत.
