सरदार वल्लभभाई पटेल जयंती सावदा येथे उत्साहात साजरी
सावदा,ता.रावेर,मंडे टू मंडे न्युज वृत्तसेवा। सावदा येथे दि ३१ रोजी लोहपुरुष सरदार वल्लभभाई पटेल जयंती उत्साहात विविध कार्यक्रमांनी साजरी करण्यात आली यावेळी सकाळी ६:३० वा नगरपालिके तर्फे येथील आ.गं. हायस्कुल ते दुर्गा माता मंदिरा पर्यंत रन ऑफ युनिटी चे आयोजन करण्यात आले होते
यावेळी आ.गं. हायस्कुलचे विद्यार्थी तसेच नागरिक यात सहभागी झाले यावेळी मुख्याधिकारी किशोर चव्हाण तसेच सावदा पोलीस स्टेशनचे स.पो.नी. देवीदास इंगोले, सावदा भाजपा शहराध्यक्ष जे के भारंबे, मुख्याध्यापक सी सी सपकाळे यांचे सह मान्यवर यावेळी उपस्थित होते तर सावदा नगर पालिकेत देखील सकाळी सरदार वल्लभभाई पटेल यांचे प्रतिमेचे पूजन करण्यात येऊन अभिवादन करण्यात आले यावेळी पालिका कर्मचारी व मान्यवर उपस्थित होते.
सायंकाळी येथील दुर्गा माता मंदिरा पासून सरदार वल्लभभाई पटेल जयंती निमित्त भव्य शोभायात्रा शहरातून काढण्यात आली यावेळी प्रथम येथील सोमवारगिरी मठीचे महंत कृष्णगिरीजी महाराज यांचे हस्ते व विविध मान्यवरांचे उपस्थितीत सरदार वल्लभभाई पटेल यांचे प्रतिमेचे तसेच निर्माणाधिन असलेल्या अयोध्या येथे साकारत असलेल्या श्रीराम मंदिराचे प्रतिकृतीचे पूजन देखील यावेळी करण्यात आले यानंतर शहरातून सरदार वल्लभभाई पटेल, श्रीराम यांची प्रतिमा तसेच या शोभायात्रेचे आकर्षण ठरलेल्या श्रीराम मंदिराचे प्रतिकृतीची शहरातून भव्य अशी मिरवणूक काढण्यात आली यासाठी तुषार बोंडे यांनी परिश्रम घेतले.
मिरवणूकिला आ. चंद्रकांत पाटील यांनी सहभाग घेत प्रतिमेस पुष्पहार अर्पण करून अभिवादन केले. यावेळी तरुणाई डी जे च्या तालावर थिरकली तर या मिरवणुकीत समाजातील प्रतिष्ठित पदाधिकारी मान्यवर व नागरिक यावेळी सहभागी झाले होते तर विविध ठिकाणी या मिरवणुकीचे भव्य स्वागत देखील करण्यात आले कार्यक्रम यशस्वीते साठी सरदार वल्लभभाई पटेल जयंती उत्सव समितीचे पादाधिकारी सौरभ नेमाडे, पृथ्वी भंगाळे, अक्षय भंगाळे, जयेश भारंबे, व कार्यकर्त्यांनी परिश्रम घेतले
