शिंदखेडा येथील बेपत्ता युवकाचा मृतदेह आढळला विहिरीत
मुंजलवाडी,ता.रावेर,मंडे टू मंडे न्युज, चंद्रकांत वैदकर। रावेर तालुक्यातील शिंदखेडा येथे रहिवासी तुषार विकास पाटील वय २६ हा युवक विकास रामभाऊ पाटील (होमगार्ड )याचा मुलगा दोन ते तीन दिवसापासून बेपत्ता होता तसेच तुषार थोडा मतिमंद असल्यामुळे आई-वडिलांनी कुठे बाहेर गेला असेल म्हणून त्याचा गावात व नातेवाईकाकडे शोधाशोध केला असता कुठेही शोध लागला नाही .
नंतर गावाच्या आजु बाजुला शोध घेत असताना शिंदखेडा येथील बस स्टँड जवळील मागील बाजूला असलेल्या अनिल अग्रवाल यांच्या शेतातील बंद पडलेल्या विहिरीत युवकाचा मृतदेह आढळून आला असता याबाबत रावेर पोलीस स्टेशनला मयताच्या वडिलांनी फोन करून माहिती दिली असता घटनास्थळी रावेर पोलीस स्टेशनचे उपनिरीक्षक सचिन नवले व पोलीस कॉन्स्टेबल सतीश सानप दाखल झाल्यानंतर पंचनामा करून मृतदेह बाहेर काढण्यात आला त्यानंतर शव विच्छेदन करण्यासाठी ग्रामीण रुग्णालयात रावेर येथे मृतदेह पाठविण्यात आला तसेच विकास रामभाऊ पाटील (होमगार्ड )यांच्या फिर्याद दिल्यावरून रावेर पोलीस स्टेशनला सीआरपीसी कलम 174 नुसार गुन्हा दाखल करण्यात आला सदर गुन्ह्याचा पुढील तपास रावेर पोलीस स्टेशनचे निरीक्षक कैलास नागरे यांच्या मार्गदर्शनाखाली उपनिरीक्षक संतोष नवले ,पो . कॉ सतीश सानप हे करीत आहे
