मांगलवाडी येथे युवकाचा मृतदेह आढळला नग्नावस्थेत
खिर्डी ता.रावेर,मंडे टू मंडे न्युज, प्रतिनिधी। रावेर तालुक्यातील मांगलवाडी येथे दि.२६ फेब्रुवारी २०२३ रोजी सकाळी ६.३० वाजेपूर्वी मयत विनोद सुभान कांडेले वय ३५ वर्षे यांचा मृतदेह मांगलवाडी गावाजवळ असलेल्या खोरीच्या बाजूला काट्यांमध्ये नग्नवस्थेत मृत आढळून आला.
या बाबत मांगलवाडी येथील रहिवाशी अमोल सूर्यभान ठाकरे वय (२१) यांनी खबर दिल्याने निंभोरा पोलिसांनी तात्काळ घटनास्थळी धाव घेत पंचनामा करून रावेर ग्रामीण रुग्णालय येथे मृतदेहाचे शवविच्छेदन करण्यात आले असून निंभोरा पो.स्टे. ला गु.र.नं ४/२०२३ सीआरपीसी.कलम १७४ प्रमाणे अकस्मात मृत्यूची नोंद करण्यात आली असून या घटनेचा पुढील तपास सपोनि गणेश धुमाळ यांच्या मार्गदर्शनाखाली पो.ना ईश्वर चव्हाण,पो.ना गणेश सुर्यवंशी हे करीत आहे.
