महीला प्रवाशांशी हुज्जत घालत उर्मट,असभ्य भाषा वापरणारा रावेर डेपोचा बस चालक निलंबित
रावेर,मंडे टू मंडे न्युज वृत्तसेवा। महिला प्रवाशांनी हात दाखवूनही बस न थांबविणाऱ्या व त्यांच्याशी हुज्जत घालत उर्मट व असभ्य भाषा वापरणाऱ्या रावेर डेपोच्या एसटी ड्रायव्हरला निलंबीत करण्यात आले आहे.
सोमवारी रावेर डेपोची बस क्रमांक २३९८ ही भुसावळ येथून रावेरकडे येत होती. त्यावेळी भुसावल येथील गांधी पुतळ्याच्या जवळ काही महीला प्रवाशांनी बसला हात दाखवून सावदा येथे येण्या साठी बस ड्रायव्हर ला बस थांबविण्याची विनंती केली.मात्र चालक शेख मोबाईलवर बोलण्यात व्यस्त असल्याने त्यांनी बस थांबवली नव्हती. मागून आलेल्या जळगाव तांदलवाडी बसने या महीला सावदा येथे आल्या. त्यावेळी उभ्या असलेल्या बस चालक शेख यांना बस का थांबवली नाही अशी विचारणा केली असता शेख यांनी महिलांवर ओरडून महीला प्रवाशांशी हुज्जत घालत उर्मट व असभ्य भाषा वापरून त्यांचा अपमान केला होता.
त्या मुळे बस चालकाची तक्रार जळगाव येथील विभागीय नियंत्रक यांच्याकडे करण्यात आली होती याची विभागीय नियंत्रक यांनी दखल घेत रावेर डेपोचे चालक टी. आर. शेख यांच्यावर निलंबनाची कारवाई करण्यात आली आहे. या कारवाईमुळे रावेर आगारात खळबळ उडाली आहे. पुढील आदेश येईपर्यंत शेख यांचे निलंबन करण्यात आल्याची माहिती देण्यात आली आहे.
