सावदा येथून मोटार सायकलची चोरी
सावदा,ता.रावेर,मंडे टू मंडे न्युज वृत्तसेवा। रावेर तालुक्यातील सावदा येथे मोटारसायकल चोरीच्या घटना वाढत असतांना दि २० रोजी सायंकाळी येथील वर्दळीच्या बस स्टॅन्ड जवळील हॉटेल चंद्रमा जवळून सायंकाळी ७:३० ते ८ वाजे दरम्यान सावदा येथील ओम कॉलनीतील रहिवासी संजय वामन नेहेते यांची मोटरसायकल रेड वाईन कलरची बजाज फोरएस चॅम्पियन गाडी क्रमांक एम.एच. १९, ए. एन. २९१९ ही कोणीतरी अज्ञात चोरट्यांनी त्यांचे संमती वाचून चोरीच्या उद्देशाने घेऊन गेल्याची घटना घडली.
याबाबत संजय वामन नेहेते यांचे फिर्यादी वरून सावदा पोलीस स्टेशनला मोटरसायकल चोरीचा गुन्हा दाखल करण्यात आला आहे , तपास सावदा पोलीस करीत आहे, दरम्यान शहरात मागील काही महिन्यात मोटर सायकल चोरीच्या घटना घडल्या असून येथील रविवारी भरणाऱ्या आठवडे बाजारातून देखील अनेकदा नागरिकांच्या मोटारसायकल चोरी झाल्याच्या घटना घडल्या आहे, तर सदर मोटार सायकल ज्या ठिकाणाहून चोरीस गेली तेथे आजूबाजूला सी.सी.टीव्ही कॅमेरे असून याव्दारे चोरट्याचा मागमूस लागू शकतो यादृष्टीने देखील तपास होणे आवश्यक असून, शहरात अनेक ठिकाणी सध्या सी.सी.टीव्ही कॅमेरे बसविण्यात आले असून याचा उपयोग अश्या घटना मध्ये पोलीस यंत्रणा यांनी करणे अपेक्षित असून याघटनांना लगाम घालणे देखील पोलिसांना आवश्यक झाले आहे,
