गुरांची अवैध वाहतूक करणारा ट्रक जप्त,४० गोवंशाची मुक्तता
सावदा, ता.रावेर,मंडे टू मंडे न्युज वृत्तसेवा। सावदा येथून जवळच असलेल्या थोरगव्हाण – सावदा रोडवर गुरांना वाहून नेणारा ट्रक जप्त करण्यात आला असून यातून ४० गोवंशाची मुक्तता करण्यात आली असून ट्रक चालकाला ट्रक सह अटक करण्यात आली आहे.
याबाबत मिळालेली माहिती अशी की, रावेर तालुक्यातील सावदा – थोरगव्हाण रोडवर वॉटर फिल्टर हाऊसच्या जवळ एमपी ०४ जीबी.९२९१ या क्रमांकाच्या ट्रकमधून गुरांची कोंबून वाहतूक करण्यात येत असल्याची माहिती सावदा पोलिसांना मिळाल्याने कारवाई करत तपासणी केली असता त्यात ४० गुरे कोंबलेली आढळून आल्याने ट्रक जप्त करण्यात आली असून ट्रक चालक मसून बेग मतलुब बेग, रा. खेल वार्ड-११, कांधला रुरल, ता. किराणा, जिला-शामली राज्य उत्तर प्रदेश याला अटक करण्यात आली असून याबाबत सावदा पोलिसस्टेशनला गुन्हा दाखल करण्यात आला आहे.या कारवाई गुरे आणि ट्रक असा सुमारे १४ लाख २७ हजार रूपयांचा ऐवज जप्त करण्यात आला आहे. सतत अवैध गोवंशाची वाहतूक परिसरातून होत असल्याने यावर कडक कारवाई होऊन कायमचा बंदोबस्त व्हावा अशी मागणी गोवंश प्रेमींनी केली आहे.
