रावेर तालुक्यात विजतारा तुटुन दोन बैलांचा जागीच मृत्यू, शेतकरी गंभीर जखमी
मुंजलवाडी,ता.रावेर, मंडे टू मंडे न्युज, चंद्रकांत वैदकर । रावेर तालुक्यातील कुसुंबा बुद्रुक येथे आज दि. २३ रोजी दुपारी अचानक झालेला अवकाळी पाऊस व वादळी वाऱ्याने झाड विजतारांवर पडल्याने विजतारा तुटुन पडल्याने शेत शिवारातून घरी जात असतांना शेतकरी आनंदा उघडू महाजन ,वय ६५ वर्ष .रा.कुसुंबा बुद्रुक ता.रावेर, यांच्या बैलगाड्यावर विजतारा तुटून पडल्याने ते गंभीर जखमी झाले असून त्यांचेवर रुग्णालयात उपचार सुरू आहेत ,तर त्यांचे मालकीची सुमारे दीड लाख रुपये किंमतीची बैलजोडी जागीच ठार झाली आहे .
ऐन शेतीच्या मशागतीच्या दिवसांत या गरीब शेतकऱ्यांचे आर्थिक नुकसान झाल्याने परिसरात हळहळ व्यक्त होत आहे. त्यामुळे या शेतकऱ्याला शासनाने व प्रशासनाने लागलीच नुकसान भरपाई द्यावी अशी मागणी परिसरातील शेतकऱ्यांनी केली आहे .
