सावद्यात भाजपचा विजयी जल्लोष, फटाके फोडून मिठाई वाटप
सावदा,ता. रावेर, मंडे टू मंडे न्युज वृत्तसेवा। नुकत्याच जाहीर झालेल्या चार राज्यांच्या विधानसभा निवडणुकीत भारतीय जनता पक्षाने घवघवीत यश मिळवले. मध्य प्रदेश मध्ये सत्ता राखत राजस्थान व छत्तीसगढ मध्ये काँग्रेसला चारी मुंड्या चीत करीत सत्ता काबीज केली. पक्षाने मिळविलेल्या या अभूतपूर्व यशाचा आनंद सावदा येथे पक्षाच्या कार्यकर्त्यांनी फटाके फोडून व मिठाई वाटप करून साजरा करण्यात आला. याप्रसंगी भारत माता की जय क्या घोषणांनी परिसर दुमदुमून गेला होता.
यावेळी भाजपा शहराध्यक्ष जे के भारंबे, राष्ट्रीय परिषदेचे डॉ अतुल सरोदे, जिल्हा उपाध्यक्ष तथा माजी नगरसेवक राजेंद्र चौधरी, माजी शहराध्यक्ष पराग पाटील, संजय चौधरी, नितीन खरे, महेश बेदरकर, पंकज बेदरकर, आकाश भोरटक्के, भारत चव्हाण, राजेश महाजन, जितेंद्र गाजरे, भैया चौधरी, नकुल बेंडाळे, प्रांजल वाघुळदे,निखिल येवले, सरचिटणीस संतोष परदेशी व महेश अकोले यासह बहुसंख्य कार्यकर्ते उपस्थित होते.
