बलवाडी येथे सांडपाण्याने गटारी तुंबल्या,रस्त्यावर घाण पाणी,ग्राम पंचायतचे दुर्लक्ष
रावेर,मंडे टू मंडे न्युज,प्रतीनिधी। रावेर तालुक्यातील बलवाडी येथील बेघर प्लॉट भागात गेल्या कित्येक दिवसांपासून गटारीची नियमित साफ सफाई होत नसल्यामुळे गटारी तुंबल्याने नागरिकांच्या घराजवळ तसेच रस्त्यावर सांडपाणी साचत असल्यामुळे त्या ठिकाणी जीव जंतू व डासांची मोठ्या प्रमाणात उत्पती होत असून नागरिकांचे आरोग्य धोक्यात आले आहे.
बेघर प्लॉट भागातील नागरिकांनी अनेकवेळा ग्राम पंचायत प्रशासनाकडे गटारीची साफ सफाई करण्याची मागणी करूनही साफ सफाई करण्याकडे ग्राम पंचायत प्रशासन जाणूनबुजून कानाडोळा करीत असल्याचा आरोप ग्रामस्थांनी केला आहे.तसेच ऐन उन्हाळ्यात आणि पावसाळ्यात ही या भागातील नागरिकांना दुर्गंधी युक्त सांडपाण्यातून ये जा करावी लागते.ग्राम पंचायत प्रशासनाने त्वरित गटारींची साफसफाई करण्यात यावी अशी मागणी बेघर प्लॉट भागातील त्रस्त नागरिकांनी केली आहे.
प्रतिक्रिया
१) वसुली होत नसल्याने कर्मचाऱ्यांचे पगार वेळेवर होत नाही.तसेच एकच सफाई कर्मचारी असल्यामुळे संपूर्ण गावातील गटारीची स्वच्छता करणे शक्य नाही.
विनायक पाटील सरपंच बलवाडी ता.रावेर
२) साफ सफाई अभावी गटारीचे सांडपाणी अंगणात आणि रस्त्यावर साचत असल्यामुळे घाणीचे साम्राज्य पसरले आहे.त्यामुळे मोठ्या प्रमाणात डासांचा प्रादुर्भाव वाढत आहे. नागरिकांचे आरोग्य धोक्यात येत आहे. शेख असलंम शेख सिराज
ग्रामस्थ बलवाडी ता.रावेर
