दुकान फोडून चोरी करून पळणाऱ्याचा सिनेस्टाईल पाठलाग करून एकाला अटक
मंडे टू मंडे वृत्तसंकलन
रावेर,मंडे टू मंडे वृत्तसेवा। रावेर शहरातील छोरीया मार्केट मध्ये रात्री दुकान फोडून चोरी करून पळणार्या दोन चोरांना सिनेस्टाईल पाठलाग करून रावेर पोलिसांनी एकाला अटक केली असून एक फरार झाला आहे.
मिळालेली माहीती अशी की,पो. कां.श्रीराम कांगने हे रावेर शहरात मध्य रात्री तीन ते साडेतीन वाजेच्या सुमारास पेट्रोलिंग करीत असताना छोरीया मार्केट मध्ये दोन दुकाने फोडलेली दिसली व तेथून दोन जण पळतांना दिसले त्यांच्या मागे सुमारे अर्धा किमी सिनेस्टाईल पाठलाग करून त्यांना एका चोरट्याला पकडण्यात यश आले ,चौकशीतून पकडलेला चोरटा मध्य प्रदेशच्या झिरण्याचा असल्याचे समजले
दुसरा आरोपी फरार असून पोलीस त्याचा शोध घेत आहेत.
