अवैधरित्या गुरांना कोंबून भरलेला ट्रक रावेर पोलिसांनी केला जप्त
मंडे टू मंडे वृत्तसंकलन।
रावेर ,मंडे टू मंडे वृत्तसेवा। माध्यप्रदेशातून महाराष्ट्रात मोठ्या प्रमाणावर गुरांची अवैधरित्या वाहतूक होत असते ,रावेर पोलिसांना मिळालेल्या गुप्त माहिती वरून पोलिसांनी मध्य प्रदेशातून लालमाती मार्गे महाराष्ट्रात गुरांची अवैधरित्या वाहतूक करणारा ट्रक पकडला आहे. त्यात 50 हून अधिक गुरे असल्याची माहिती मिळत आहे गेल्या तीन दिवसात गुरांच्या तस्करीवर पोलिसांची ही दुसरी मोठी कारवाई असून गेल्या दोन दिवसांपूर्वी महाराष्ट्र मध्यप्रदेश सीमेवरील चोरवड चेक नाक्यावर एका ट्रक मध्ये २८ गुरे कोंबुन वाहतूक करणाऱ्या ट्रकला पकडले होते.
मिळालेली माहिती अशी की,आज दुपारी तीन ते चार वाजेच्या दरम्यान मध्यप्रदेश शेरी नाका मार्गे महाराष्ट्रात रावेर कडे अवैध गुरांनी भरलेला ट्रक येत असल्याची माहिती पोलिसांना मिळाली रावेर पोलिसांनी लालमाती नजिक जेके 01 एएल 1559 नंबरचा ट्रक अडवून ट्रकची तपासणी केली असता त्यात अवैध पध्दतीने सुमारे ५० च्यावर गुरे कोंबुन भरली होती.यात मंडसोळ (मध्य प्रदेश) येथील दोन आरोपी ताब्यात घेतले आहे.अवैधरित्या वाहतूक होत असलेली ही सर्व गुरे जळगाव येथील बाफना गौ शाळेत पाठवण्यात आले आहेत
